Dy shqiptarë, tre tunizianë dhe një italiane, të moshës nga 32 në 47 vjeç, janë arrestuar nga karabinierët sot në Ravena, të dyshuar për trafik dhe shitje droge. Një person i shtatë i ka shpëtuar arrestit pasi nuk gjendet në Itali, ndërsa një i tetë është në hetim në gjendje të lirë.
Gjatë hetimeve janë sekuestruar 26 kilogramë drogë dhe substancë përzierjeje, ndërsa në shtëpinë e një bashkëpunëtori të jashtëm të grupit janë sekuestruar 39 mijë euro të fituara nga aktiviteti i paligjshëm.
Hetimet e mbyllura me operacionin e sotëm kanë nisur tre vjet më parë, më 16 maj 2015, pas të shtënave në parkimin e urgjencës.
Objektiv ishte një 32-vjeçar shqiptar, i cili iu shpëtoi dhjetë plumbave të nisur drejt tij nga pistoleta e një italiani. Sipas karabinierëve ishte një përplasje midis dy bandave për ndarjen e fitimeve.
Përgjimet telefonike dhe në terren bënë të mundur ndërtimin e hartës së aktivitetit të bandave dhe identifikimin e anëtarëve të tyre, të arrestuar sot në mëngjes.
