Franca është një nga tre vendet skeptike të Bashkimit Evropian, për hapjen e negociatave të anëtarësimit të Shqipërisë. Ndryshe nga Gjermania dhe Hollanda, ajo do të deklarojë qëndrimin e saj në samitin e liderëve të unionit, në 28 qershor.
Dy ditë më parë, u raportua se hapja e negociatave të Shqipërisë është diskutuar vetëm ditën e vizitës së kryeministrit Edi Rama në Paris, kur takoi presidentin Emannuel Macron për të kërkuar mbështetjen e këtij vendi të rëndësishëm të BE-së.
Nga ana e tij, Presidenti Macron është shprehur skeptik për zgjerimin e BE-së. Në funksion të marrjes së një përgjigje pozitive, kryeministri Edi Rama mësohet se do të zhvillojë nesër një vizitë jo zyrtare në Francë, ku pritet të ketë takime me faktorët kyc.
