Dj amerikan Eris Drew u përfshi në një aksident në Shqipëri. Ngjarja ndodhi fundjavën që lamë pas, në një distancë të afërt nga aeroporti i Rinasit. Siç raportohet në mediat e huaja, Dj Eris Drew sapo kishte përfunduar performancën në një festival në Shqipëri dhe po kthehej pas. Një automjet humbi kontrollin dhe u përplas me furgonin që udhëtonte Drew. Në këtë aksident pati edhe makina të tjera të përfshira, si dhe një person që ndërroi jetë. Dj bëri një koment të shkurtër në faqen e vet në Facebook, ku e përshkruante ngjarjen si frikën më të madhe që kishte përjetuar ndonjëherë. Ajo e cilësonte veten me fat që i shpëtoi kësaj ngjarje të rëndë me pak dëmtime. Pas largimit nga Shqipëria, ajo mori trajtim mjekësor në Oslo, qytet ku kishte rezervimin e radhës për të performuar muzikën e saj.
©LAPSI.al
