Sokol Hazizaj, avokati i ish kryeprokurorit Adriatik Llalla, është shprehur se Reforma në drejtësi ka marrë suksesin e saj të parë. Ai e ka dhënë këtë deklaratë pas vendimit të sotëm të Komisionit të Posacëm të Apelimit, i cili i ndërpreu procesi i vettingut Adriatik Llallës.
“Ndalimi për të hyrë në organet e drejtësisë deri në 15 vjet, që e kishte nënkuptuar edhe KPK. Me këtë sot, ligji fitoi, e drejta gjithashtu, sot mendoj se reforma në drejtësi ka marrë suksesin e parë. Karakteri universal apo i përgjithshëm i vendimit të KPA, do të jetë si udhërrëfyes, detyrim i vendimeve të tjera që janë në të njëjtin standard fakti dhe prove, nuk lë asnjë dyshim ky vendim, edhe detyrues” - tha ai.
Pyetur për nje hetim të nisur për Llallën, avokati nuk ka dhënë asnjë detaj. “Nuk kam informacion ligjor, në këto kushte sa kohë nuk kam marrë informacionin e duhur, ri sqaroj që e drejta proceduriale i imponon organit të më informojë kur është i regjistruar me emër procesi apo procedimi, nuk kam informacion të tillë” - tha ai.
