Kryetari i PD-së, Lulzim Basha ka denoncuar sonte në mbrëmje se dëshmitarit X, Albert Veliu, i janë ofruar 200 mijë euro në mënyrë që ai të përgënjeshtrojë dëshminë e tij. Sipas Bashës kjo është prova më e qartë e rënies së shtetit dhe kapja nga organizatat e krimit.
“Sot të dërguarit e Fatmir dhe Agron Xhafajt, njerëz të skeduar për vrasje të tipit mafioz nga zona e Vlorës dhe e Fushë Krujës i kanë ofruar një të afërmi të dëshmitarit x, Albert Veliu 200 mijë euro nga paratë e pista që familja mafioze Xhafaj përfiton nga trafiku i drogës dhe veprimtari të tjera kriminale, që ai të përgënjeshtrojë deklarimet e bëra publike.
Cdo përpjekje e Fatmir Xhafës dhe Edi Ramës për të kërcënuar, intimiduar apo për të blerë dëshmitarin x, thjesht i zhyt edhe më thellë Fatmir Xhafajn dhe Edi Ramën në skandalin ku janë përfshirë kokë e këmbë.”, u shpreh Basha.
Ai i ftoi qytetarët të marrin pjesë në protestën e së shtunës përballë Kryeministrisë. ©LAPSI.al
