Këshilltarët e tre bashkive, Kukës, Has dhe Tropojë kanë nënshkruar një peticion drejtuar Presidentit, Ilir Meta për lirimin e 4 protestuesve që mbahen të burgosur pas revoltës në Rrugën e Kombit. Këshilltarët kërkojnë nga Meta të ndërhyjë për protestuesit që u arrestuan pas protestës në Kalimash kundër vendosjes së taksës në Rrugën e Kombit.
"Në vijim të situatës së krijuar pas protestave për anulimin e taksës në Rrugën e Kombit, ne, këshilltarët bashkiakë të Kukësit, Hasit dhe Tropojës, ju kërkojmë si President i Republikës të ushtroni autoritetin tuaj ligjor për lirimin e 4 të burgosurve si dhe ndërprerjen e procedimit penal ndaj protestuesve të tjerë. Ne si këshilltarë bashkiakë do të vazhdojmë të jemi në mbrojtje të tyre deri në shpalljen si të pafajshëm" thuhet në peticion.
