Ish-prokurori i Përgjithshëm, Theodhori Sollaku parashikon që me procedurat strikte për kontrollin e figurës së gjyqtarëve dhe prokurorëve, nuk do të mbetet më askush në sistemin e drejtësisë. I ftuar në Ora Neës, Sollaku tha se Komisioni i Pavarur i Kualifikimit duket sikur po kërkon gjilpërn në kashtë kur kontrollon pasuritë e njerëzve të sistemit të drejtësisë.
"Ka vendimarrje të tilla që duhet sikur “po kërkohet gjilpëra në kashtë” dhe me këto ritme ka një situatë ndrydhje nga gjyqtarët dhe prokurorët që me këtë situatë dhe me këtë metodologji vështirë se mund të mbeten në funksion 5% e magjistratëve, e gjyqtarëve dhe prokurorëve.T'u kërkosh sot gjyqtarëve dhe prokurorëve dokumentacion për periudhën kur ai nuk ka qenë gjyqtar, kur nuk e ka pasur detyrim në ligj për të mbajtur arshivë, nuk ka pasur dhe financier për të bërë bilancin; Sa mora këtë vit, sa harxhova dhe sa ngelën? Ka nevojë të korrektohet" tha ish kryeprokurori.
Theodhori Sollaku sugjeroi korrektim të mënyrës se rivlerësimit të pastërtisë së figurës së gjyqtarëve dhe prokurorëve. Sollaku ka qenë në krye të prokurorisë para Adriatik Llallës dhe më pas u bë pjesë e Asamblesë së Partisë Socialiste. Vetë Sollaku nuk ka kaluar veting.
