Për Lulzim Bashën, lajmi i dorëzimit të mandatit të deputetit nga Saimir Tahiri do të ishte lajm i mirë, nëse do të ishte bërë 6 muaj më parë, kur prokuroria kërkoi arrestimin e tij, por sot që prokuroria është e kapur dhe në dorë të Edi Ramës, ky është vetëm një mashtrim për Gjermaninë dhe për Europën.
Basha përsëriti disa herë se prokuroria tani është e kapur nga Rama dhe duke qenë në dorë të tij, Tahiri ka garancitë se nuk do të arrestohet.
“Kjo është loja e të dyve bashkë për të mbyllur dosjen e Saimir Tahirit” u shpreh Basha, që kujtoi nxitimin e shumicës për të emëruar Prokuroren e Përkohshme të Përgjithshme, Arta Markun pa veting dhe ekstradimin e Nezar Seitit, të arrestuarit të vetëm të çështjes drejt Italisë.
