Drejtuesi i Prokurorisë së Apelit në Durrës, Ferdinand Elezi dorëzoi në kuvend kandidaturën e tij për Prokuror të Përgjithshëm të përkohshëm. Elezi përflitej si një nga kandidatët për prokuror dhe pak ditë më parë tërhoqi dokumentat e nevojshme për kandidaturën e tij. Elezi duket se është një kandidaturë që do të marrë mbështetjen e socialistëve pasi ka siguruar më parë mbështetjen e Vangjush Dakos, kryetarit të Bashkisë së Durrësit. Elezi plotëson kushtet për të qenë prokuror i përkohshëm. Ai ka gradën shkencore dhe 15 vjet vjetërsi në punë. Nuk dihet nëse do të ketë kandidatura të tjera për postin e prokurorit të përgjithshëm, ndërsa afati përfundimtar për paraqitjen e tyre është dita e martë në orën 18:00.
