Gjykata e Shkodrës ka dhënë sot masën e sigurisë për 7 të arrestuarit si pjesë e një grupi kriminal në shfrytëzimin dhe ushtrimin e prostitucionit. Gjykata ka lënë në burg Rinard “Federik” Tota, 50 vjeç banues në Shkodër, i cili ishte organizatori i rrjetit të prostitucionit. Masa ‘arrest me burg’ është dhënë edhe për 41-vjeçarin Kastriot Musa dhe pesë vajzat që akuzohen për ushtrim prostitucioni. Gjatë operacionit në lokalin e tij u sekuestruan bizhuteri të llojeve të ndryshme, dy makina dhe një pistoletë.
