Biznesmeni Ylvi Beqaj do të përballet me Romeo Taren dhe dhe Besnik Musait, po ashtu dhe noteres Aida Spahiu për të zbardhur kontratën për ‘Vollgën’. Besnik Musai është shoferi i Beqajt, ndërsa Romeo Tarja ish-bodigardi personal i biznesmenit.
Ballafaqimi mes tyre do të bëhet për të zbardhur mënyrës se si u bë kontrata për ish-hotel Vollgën tek noteri. Vetë biznesmeni Ylvi Beqja ka dëshmuar më parë se është kërcënuar nga Shullazi dhe këto deklarata janë konfirmuar edhe nga shoferi i tij, Besnik Musai.
Ndërkohë sot palët debatuan edhe në lidhje me kërkesën e Prokurorisë për të lejuar leximin e deklarimeve të dhëna nga Jani Zaka, i cili sipas sistemit TIMS rezulton të jetë largur nga Shqipëria.
Kujtojmë se Jani Zaka është një tjetër biznesmen i kërcënuar nga Shullazi për një sipërfaqe parking në rrugën e Kavajës në kryeqyteti. Biznesmenit i vu edhe një sasi tritoli, akt i cili dyshohet se ka lidhje me shullazin dhe me mosdhënien e sipërfaqes së parkingut.
