Prokuroria e Krimeve të Rënda është shprehur se ka dyhime se 863 mijë eurot e gjetura në maikinën e biznesmenit Orest Sota, lidhen me veprimtari kriminale të ish ministrit të Brendshëm, Saimir Tahiri. Ky qëndrim i Prokurorisë është bërë i ditur ditën e djeshme në seancën për rivlerësimin e masës së sigurisë te Krimet e Rënda ndaj biznesmenit.
Por pse Prokuroria dyshon se paratë e gjetura janë të Tahirit?
Sipas organit të akuzës ka dyshime të forta se 863 mijë eurot mund të mos jenë të ish-ministrit, pasi Tahiri është një person nën hetim nga Prokuroria për “korrupsion” dhe “trafik ndërkombëtar droge”, akuzat të cilat krijon dyshime se edhe paratë mund të jenë nga aktiviteti kriminal i ish-ministrit Tahiri.
Sipas Prokurorisë, edhe gjetja e patentave të Tahirit po në të njëjtin mjet, ngrenë dyshimin se i përkasin po të njëjtit person.
Ndërkohë, nga deklarimet e marra prej shefit të financës së “KURUM”, rezulton se ai nuk ka pasur asnjë dijeni dhe as nuk është njoftuar për ndonjë transaksion me para në dorë nga biznesmeni Sota apo të afërm të tij.
