4 të rinj shqiptarë kanë rënë në pranga, në bregdetin e Porto d’Ascoli, pasi janë nën akuzë për vjedhje. Sipas mediave italiane, shqiptarët kanë grabitur shumë shtëpi mes Riveras dhe rrethinave, por edhe në Vibrata Val dhe Fermo.
Në orët e para të mëngjesit të së enjtes, agjentët e policisë arrestuan shqiptarët Arlin Çera, 32 vjeç, Mateo Gjeta 28 vjeç, Rigels Vlashi 24-vjeç dhe 25-vjeçarin Admir Vata.
Dyshohet se të rinjtë janë përgjegjës për një seri vjedhjesh të dy javëve të fundit, të ndodhura në Monteprandone. Ata janë dërguar në burgun e Marino del Tronto.
Në vendin ku jetonin të rinjtë janë gjetur telefona celularë, ora të shtrenjta, bizhuteri, para dhe çanta.
