Këngëtarja nga Korça e cila ishte këtë të premte në Zonë e Lirë, dashje pa dashje u përfshi në temën e javës, ku Çani diskuton për legalizimin ose jo të prostitucionit. Anxhela Peristeri me pak fjalë u shpreh pro këtij profesioni, duke theksuar se seksi me para duhet të funksionoje i kontrolluar se sa të trafikohet. Por ajo që çuditi gjatë deklaratës së Anxhelës në studion e Çanit ishte termi të cilin këngëtarja zgjodhi të flasë për ato që rëndom në zhargon i quajmë, bordello. E pyetur nga moderatori nëse ajo do t'i frekuentonte "shtëpitë e seksit", nëse në to do të kishte meshkuj që kryenin atë punë me para, Anxhela tha se "këto institucione janë për njerëz të fiksuar...".
Pak ditë më parë, këngëtarja e muzikës 'live' pranoi në një intervistë se në Shqipëri si në çdo vend tjetër, këngëtareve u ofrojnë para në këmbim të seksit.
