“Ti nuk din as me ma lyp”, këndonte dikur Bleona, por kësaj here duket se ka rënë në “grackën” e tekstit të vetë.
Këngëtarja shqiptare e cila përveç partnerit të jetës, vazhdon të jetë në kërkim të famës në Amerikë, ka postuar një foto të para 5 viteve ku shihet përballë producentit të njohur të muzikës elektronike, David Guetta. Ishte ceremonia e “American Music Awards” kur Bleona në fillimet e saj në tregun amerikan, i kërkonte fituesit të çmimit Grammy, një këngë. Pas gjithë këtyre viteve, këngëtarja duket se e ka ende fiksim bashkëpunimin me francezin më të paguar të diskotekave.
“Duke u kujtuar se për çfarë po diskutonim në këtë foto. Të njëjtën gjë të cilën i them sa herë e takoj David Guetta-n: “më duhet një nga këngët e tua, më duhet një nga këngët e tua, më duhet një nga këmbët e tua” – nuk lodhet së “lypuri’ Bleona. Por, vetë producenti me sa duket nuk e ka parë postimin, përderisa nuk i ka kthyer as përgjigje yllit shqiptar.
