Familja trashëgimtare e Top Channel duket se është përfshirë tërësisht në shtatzëninë e Sara Hoxhës. Jo vetëm teze Lori tregon kujdes për motrën e saj më të vogël, duke i bërë peshqeshe apo trajtuar atë në mënyrë speciale. Por gjithashtu më i vogli i familjes, duket i interesuar për fëmijën që pas pak muajsh do të sjellë në jetë çifti Ledion-Sara Hoxha.
Itani, vetëm 8-vjeç ka një pyetje jo të zakontë për motrën e tij 20-vjeçare e cila me sa kuptojmë, po bëhet gati për festime përpara lindjes së djalit. "Çfarë ndodh në një 'baby shower'? Mblidheni të gjithë në dush dhe lani bebin?" - citon të vëllain, Sara në Snapchat. Përgjigjen nuk e ka dhënë, por me siguri Itani dhe të gjithë ne, do ta kuptojmë se për çfarë "baby shower" bëhet fjalë shumë shpejt, pasi siç e kanë për zakon, motrat Hoxha nuk lënë gjë pa treguar nga festat që organizojnë.
