Rihanna u shpërblye mbrëmjen e së dielës me një çmim shumë të rëndësishëm në ceremoninë muzikore MTV Video Music Awards, ndaj, 28-vjeçarja nga Barbados dëshiroi që e gjithë vëmendja të mbetej tek ajo. Sipas raportimeve në media, këngëtarja ka kërkuar nga organizatorët e eventit që Rita Ora të qëndrojë sa më larg saj e ulur.
Një burim tha për The Sun: “Rihanna po pranon çmimin e rëndësishëm ‘Video Vanguard’ dhe do që e gjithë mbrëmja të jetë e saj. Ajo nuk do të lejonte që ndonjë ose dikush tjetër, të tërheqë vëmendjen nga ajo”.“Rihanna asnjëherë nuk e ka pëlqyer Ritën dhe ajo ka kontaktuar me MTV javën e kaluar për t’i kërkuar që ta vendosin në një ulëse sa më larg saj, që të mos "ngatërrohet" gjatë ceremonisë”, tha burimi.Vitin e kaluar është raportuar se vendimi i Ritës për të paditur labelin e saj Roc Nation kishte të bënte pikërisht me mosmarrëveshjet e saj me Rihanna-n dhe me sa duket, gjakrat vijojnë të jenë të nxehtë.
