Me vite të tëra është përfolur për lidhjen e saj me ish-bashkëshortin Gani Bardha, por duket se kur fjala është për Bleonën, shumë fakte mbeten për t'u verifikuar. Si me rastin e moshës, të cilën këngëtarja e modifikoi kudo ku mundi me qëllim karriere në Amerikë, të ngjan dhe zbulimi i gazetarëve të Klan Kosova. Në ciklin e dokumentarëve ‘E vërteta e fshehur e yjeve’, të përgatitur enkas nga gazetari Vlorijan Halili për Bleonën, mësuam edhe një detaj ekskluziv nga burime të afërta, i pa thënë më parë. Bleona dhe Ganiu kanë qenë ligjërisht të martuar... për vetëm dy muaj!
"Gjatë kësaj periudhe, Bleona ka jetuar në Dallas por aspak e kënaqur është zhvendosur në Los Angeles duke mbajtur ndarjen pak a shumë sekret nga publiku mes tjerash për shkak të respektit të madh për njëri-tjetrin.
Koha kur Ganiu vetëm se ishte shfaqur publikisht me të dashura të tjera, në 2014-tën paraqiti momentin kur publikisht u kuptua ndarja, që kishte ndodhur shumë më herët." - shkruan Prive.
Në intervista, Bleona gjithmonë është shprehur mirënjohëse për Ganiun që e mori në Amerikë duke thënë se ndarja kishte ndodhur pas 5 vitesh, me kompromis.
