Mbrëmja festive e "American Music Awards" që u mbajt të dielën në Los Angeles, u prezantua nga ylli botëror Jennifer Lopez, e cila "la nam" me performancën e saj skenike. Veshjet që ndërroi njëra pas tjetrës, i shtuan shkëlqimin dhe shkathtësinë në skenë 46-vjeçares, duke "vjedhur" vëmendjen e publikut, që në këtë rast duhet të fokusohej tek fituesit e natës. Por, një nga paraqitjet e saj që u duk e njohur për syrin shqiptar ishte kostumi pas trupit "Disquared", të cilin më herët ia kemi parë ta veshë këngëtarja Elvana Gjata. Fotosesioni i shqiptares si indiane u kritikua nga ndjekësit e Elvanës, të cilët nuk ranë dakord me përdorimin e këtij imazhi "që përfaqëson vuajtjen dhe dhimbjen indiane", në favor të artit dhe përfitimeve personale të këngëtares.
