Fustani transparent i thurur për mbi 6 orë në trupin e 36-vjeçares, duket se nuk i solli fat këngëtares e cila një vit më parë, mbajti rekordin e femrës së veshur më keq në "American Music Awards". Ceremonia e ndarjes së çmimeve për artistët më të suksesshëm të vitit u mbajt mbrëmjen e së dielës në L.A, por ndyshe nga sa pritej, Bleona nuk shkeli mbi tapetin e kuq. Ajo që e nisi karrierën në Amerikë pikërisht nga parakalimet e bujshme në këtë event, këtë rradhë, nuk dihet pse e bojkotoi. Në fakt, mediat shqiptare lajmëruan se Bleona nuk do të mungonte as këtë vit në "AMA" dhe nuk dihet çfarë mund ta këtë bërë këngëtaren të ndërroj mendje në moment të fundit.
