Prezantuesi i Top Channel i cili po përgatitet të sjellë në ekran një format të ri, së fundi ka ndryshuar ‘look’ dhe nisur nga flokët ngjyrë platin, 19-vjeçarja Sara Hoxha e kometoi si të ngjashëm me Justin Bieber. Vetë Ledioni nuk u shpreh për krahasimin, se si ai dukej në sy të të dashurës, pasi në mendjen e tij, ndoshta prezantuesi po “kopjonte” një tjetër personazh.
Burime të lapsi.al brenda rrethit të prezantuesve të njohur të Top Channel, bëjnë me dije se Ledioni është frymëzuar për emisionin e ri nga ikona amerikane e televizionit, Ellen Degeneres. Aktorja komike e cila prezantoi dhe çmimet OSCAR, ka një shfaqje ‘talk show’ të cilën prezantuesi shqiptar thuhet se do ta adaptojë në ekranin e Top Channel, në versionin ‘late night show’.
Por, veç idesë për të sjellë programin e Ellen Degeneres në Shqipëri, të cilin e ka realizuar tashmë në një regjistrim pilot, Ledion Liço duket se ka përshtatur dhe pamjen me idhullin e tij.
