Argjentinës iu deshën vetëm 13 minuta për të përmbysur gjithçka dhe për të siguruar kualifikimin në çerekfinalet e Botërorit, pasi ishte shumë pranë eliminimit. Egjipti kishte zhvilluar një ndeshje pothuajse perfekte për 70 minuta dhe kishte krijuar epërsinë 2-0, por në fund pësoi një përmbysje dramatike. I udhëhequr nga Lionel Messi, ekipi argjentinas fitoi 3-2 dhe siguroi kalimin në fazën tjetër. Megjithatë, në kampin egjiptian mbizotëron zemërimi. Ziko, autor i golit të dytë të Egjiptit, akuzoi ashpër arbitrin dhe hodhi dyshime të forta mbi rregullsinë e turneut, duke pretenduar se gjithçka ishte organizuar për të favorizuar Argjentinën.
Ziko: “Turneu është i manipuluar”
Sulmuesi egjiptian, të cilit iu anulua fillimisht një gol nga VAR-i për faull, nuk i kurseu kritikat pas ndeshjes. "Arbitri ishte i padrejtë, plotësisht i padrejtë. Ishte një padrejtësi e qartë. Ai ishte haptazi kundër nesh. Nuk mund të eliminohemi në këtë mënyrë kur po fitonim 2-0 ndaj Argjentinës. Turneu është i manipuluar. Zoti e ndëshkoftë."
Më pas ai ironizoi edhe rezultatin përfundimtar: "U kërkoj falje tifozëve. Donim t'i bënim të lumtur, por nuk ishte në dorën tonë, ishte në dorën e arbitrit. Turneu është qartësisht i manipuluar. Urime Argjentinës që e ka fituar tashmë Kupën e Botës, gjithçka është planifikuar."
Mısırlı futbolcu Zico: "Tebrikler Arjantin. Dünya Kupası zaten ayarlanmış. O yüzden hakeme veya başka bir faktörlere hiç ihtiyaçları yoktu bence.
— Korner Spors (@kornerspors) July 7, 2026
Hakem adaletsiz. Allah bana yeter, O ne güzel vekildir. Bütün bir milletin emeğini boşa harcıyor. Kupa Arjantin'e veriliyor."…
Edhe trajneri i Egjiptit, Hassan, mbështeti të njëjtin qëndrim: "Gjithçka ka të bëjë me marketingun dhe paratë. Ata duan që Messi, kampioni i botës, të vazhdojë rrugëtimin në turne. Në futboll shumë gjëra vendosen jashtë fushës, sipas interesave. Ajo që ndodhi ishte e padrejtë. Egjipti e meritonte kualifikimin, ishim skuadra më e mirë."
Episodi që ndezi polemikat
Sipas egjiptianëve, momenti vendimtar ndodhi pak para golit të fitores së Argjentinës. Mohamed Salah u rrëzua në zonë pasi Julian Alvarez e shkeli në këmbë, por arbitri francez Letexier nuk akordoi penallti dhe lejoi vazhdimin e lojës.
Në aksionin pasues, Enzo Fernandez shënoi golin e fitores për Argjentinën. Stoli i Egjiptit shpërtheu në protesta, duke kërkuar anulimin e golit dhe dhënien e penalltisë. Për protestat e ashpra, trajneri i portierëve, Saafan El-Sagheer, u ndëshkua me karton të kuq.
Pas përfundimit të ndeshjes, Ziko akuzoi drejtpërdrejt arbitrin Letexier se ndikoi në rezultatin e sfidës, duke ushqyer edhe më tej polemikat rreth këtij eliminimi dramatik.
