Taylor Swift ka zbuluar për herë të parë unazën e saj të martesës, vetëm një javë pasi i tha “po” Travis Kelce.
Çifti bëri daljen e parë publike si bashkëshortë në dasmën e ish-shokut të skuadrës së Kelce, JuJu Smith-Schuster, dhe bashkëshortes së tij Laura Kruk.
Këngëtarja 36-vjeçare kishte zgjedhur për mbrëmjen një fustan rozë me motive lulesh, ndërsa Travis Kelce u shfaq elegant me një kostum gri.
Fotot nga ceremonia tregojnë çiftin duke mbërritur dorë për dore, duke biseduar me të ftuarit, duke kërcyer dhe duke shijuar atmosferën festive.
Kjo ishte pamja e parë e unazës së martesës që fansat kanë parë që prej ceremonisë së tyre madhështore më 3 korrik në Madison Square Garden të Nju Jorkut.
Sipas raportimeve, dasma e çiftit ishte një nga eventet më të mëdha të vitit, me rreth 1000 të ftuar dhe një kosto të vlerësuar mbi 30 milionë dollarë. Vetëm dekorimet dhe lulet thuhet se kanë kushtuar rreth 5 milionë dollarë.
Taylor Swift veshi një fustan të personalizuar Christian Dior Haute Couture, të dizajnuar nga Jonathan Anderson, i cili krijoi gjithashtu veshjen e Travis Kelce për ceremoninë.
Gjatë dasmës, çifti organizoi edhe lojëra për të ftuarit dhe shpërndau dhurata luksoze, përfshirë çanta firmato dhe aksesorë të shtrenjtë.
Swift dhe Kelce, të cilët nisën lidhjen në vitin 2023, u fejuan në gusht të vitit 2025 pas një propozimi romantik në Kansas.
