Një incident i pazakontë ka ndodhur në një fshat në Indi, ku banorët, të zemëruar nga mbulimi i dobët 5G, thuhet se kanë lidhur me kabllo një teknik të dërguar për të rregulluar problemin. Punëtori, të cilin media lokale e ka identifikuar si Aditya Ban Singh, u gjet i lidhur në një antenë telefonike celulare në fshatin Hardauli, në distriktin Fatehpur të shtetit Uttar Pradesh.
Policia tha se tekniku u sulmua për shkak të problemeve të vazhdueshme të lidhjes së internetit, pasi banorët ishin të detyruar të përdornin një rrjet 4G të paqëndrueshëm pavarësisht se paguanin për shërbimet 5G për më shumë se 2 vjet.
Banorët u indinjuan nga kjo situatë, pasi pretenduan se, pavarësisht ankesave të tyre të përsëritura, pothuajse asgjë nuk ishte bërë për të përmirësuar sinjalin në zonë. Sipas mediave lokale, kur Singh mbërriti në fshat për të provuar ta zgjidhte problemin, banorët e rrethuan dhe protestuan në një mënyrë të pazakontë për funksionimin e antenës së telekomunikacionit, duke e lidhur me kabllo.
في قريبة هندية اصحابها كانوا يشتكون من سوء تغطية شبكة 5G طلبوا من شركة الاتصالات ان ترسل موظف ليحل المشكلة وعندما وصل ربطوه بالبرج و قالوا لن نطلق سراحه حتى يحسنون الشبكة https://t.co/so54WjhEfg
— TRAVIS | تراڤس (@iirode0) September 12, 2026
Madje thuhet se e kërcënuan se nuk do ta lironin derisa drejtuesit e kompanisë së telefonisë celulare ta zgjidhnin problemin. Megjithatë, tekniku u lirua pak më vonë. Që atëherë, sipas të njëjtave raportime, 5 persona janë akuzuar për ndalim të paligjshëm dhe prishje të rendit publik. Rasti arriti në polici pasi një video që tregonte Singh-un e lidhur u bë virale në internet.
Sipas “Times of India”, shefi i policisë së Fatehpur, Abhimanyu Manglik, tha: “Banorët pretenduan se zona kishte pasur probleme me mbulimin e telefonisë celulare, veçanërisht shërbimet 5G, për gati dy vjet, pavarësisht faktit se atje ishte instaluar një antenë private telekomunikacioni.” ©LAPSI.al
