Një baba "single" la vajzën e tij 11-vjeçare vetëm në shtëpi për dy ditë në mënyrë që të udhëtonte me skuadrën e Pafos FC për në Shqipëri për ndeshjen e futbollit ndaj Dinamos. Ai u arrestua pas kthimit në Qipro pasi duhet të përballet me një padi që është ngritur ndaj tij në Gjykatën e Qarkut të Pafos.
Ai u akuzua për braktisje të një fëmije nën moshën 16 vjeç. Një përfaqësues i policisë i tha gjykatës se midis 19 dhe 20 gushtit, ai e braktisi fëmijën dhe e ekspozoi ndaj rreziqeve në një mënyrë që mund të kishte shkaktuar dëme të rënda në shëndetin e saj.
Pas arrestimit të tij këtë mëngjes, kur delegacioni u kthye në Aeroportin e Pafos, babai u dërgua direkt në Gjykatën e Qarkut të Pafos, ku u njoh me çështjen. Ai do të dalë sërish para gjykatës më 18 shtator, kur ai duhet të përgjigjet për akuzën e braktisjes së fëmijës. Deri atëherë, gjykata urdhëroi lirimin e tij me kusht, me pagesën e 15 000 eurove.
Sipas mediave vendase, ishin fqinjët që i thanë policisë se vajza dukej se kishte qenë vetëm dhe pa mbikëqyrje në shtëpi prej dy ditësh. Oficerët e Drejtorisë së Policisë së Pafos që shkuan në vendngjarje e gjetën 11-vjeçaren në shtëpi. Ajo u tha atyre se ishte vetëm dhe se babai i saj ishte larguar për të parë ndeshjen e Pafos FC në Shqipëri. Policia menjëherë njoftoi Shërbimet e Mirëqenies Sociale, të cilat morën përsipër mbrojtjen dhe kujdesin e fëmijës. ©LAPSI.al
