5 persona humbën jetën dhe dhjetëra të tjerë u plagosën pasi një autobus nuk arriti të ngadalësonte për shkak të trafikut dhe për pasojë goditi 6 makina në autostradën ndërshtetërore pranë Quantico në Virginia të SHBA-ve.
5 personat që humbën jetën nuk ishin në autobus. 4 nga 5 viktimat ishin në të njëjtin automjet të goditur, përfshirë dy fëmijë, ndërsa i pesti ishte në një automjet tjetër të goditur. Viktimat ishin të moshës nga 7 deri në 45 vjeç, sipas CNN.
Ekipet që mbërritën në vendin e aksidentit “u përballën me një skenë shkatërruese ku përfshiheshin disa automjete, shumë pasagjerë të plagosur dhe disa automjete në flakë”, - deklaroi Sindikata e Zjarrfikësve të Qarkut Stafford.
44 persona të tjerë u plagosën për shkak të aksidentit. 3 nga të plagosurit kanë lëndime kritike. Shoferi i autobusit, një 48-vjeçar, është mes të plagosurve. Veprimet e tij po hetohen nga policia. ©LAPSI.al
