Alvaro Morata ishte protagonist i një mbrëmjeje që duhet harruar sa më shpejt me Leganés në kategorinë e dytë të futbollit spanjoll. Sulmuesi, ish-lojtar i Real Madrid, Atletico Madrid, Juventus, Milan dhe Como, deri tani ka zhgënjyer shumë. Që nga mbërritja e tij te Leganés, skuadra ka grumbulluar vetëm 4 pikë nga 21 të mundshme, ndërsa Morata nuk ka shënuar ende asnjë gol dhe nuk ka dhënë asnjë asist. Por në humbjen në shtëpi kundër Cordoba ndodhi edhe më shumë. Morata nuk u aktivizua si titullar nga trajneri i tij dhe hyri në fushë pas minutës së 60’.
Pas një proteste të ashpër ndaj arbitrit, Morata fillimisht u ndëshkua me karton të verdhë dhe më pas u përjashtua nga gjyqtari i ndeshjes. Ish-sulmuesi i Juventus tentoi t’i jepte dorën arbitrit në mënyrë ironike, por ky i fundit refuzoi dhe i ktheu shpinën. Morata, megjithatë, nuk u qetësua. Teksa largohej nga fusha drejt dhomave të zhveshjes, ai iu drejtua asistentit të arbitrit dhe arbitrit të katërt, duke u përballur me ta pothuajse frontalisht. Pasoi një skenë vërtet e shëmtuar, ku shokët e skuadrës u detyruan të ndërhynin për ta larguar, duke shmangur përshkallëzimin e situatës.
Alvaro Morata is having a TERRIBLE time in the Spanish Second Division! ❌ He was sent off tonight, and is without a goal since January… 😬 He won the EUROs 2 years ago btw… 📉 https://t.co/DgFftBlcSR
— Sleeper Football (@SleeperFooty) October 16, 2026
Nuk është hera e parë që Morata përfshihet në shpërthime të tilla zemërimi. Edhe sezonin e kaluar, ai ishte protagonist i një përplasjeje verbale dhe fizike me mbrojtësin Mina në ndeshjen Como-Cagliari, episod që kishte zemëruar shumë Fabregas. Sot, te Leganés, ai duhej të gjente mundësinë për t’u ringritur, por rikthimi në Spanjë deri tani mund të konsiderohet një makth. Morata ishte shfaqur nervoz që në momentin e hyrjes në fushë, duke marrë karton të verdhë pas dhjetë minutash, përpara se të shpërthente në minutat shtesë, në atë që dukej si një krizë nervash. Paraqitjet e skuadrës nuk po e kënaqin Leganés dhe as tifozët e tij.
Ata që prisnin që Morata të rilindte në kategorinë e dytë spanjolle janë detyruar të ndryshojnë mendim që në këtë fazë. Leganés u fishkëllye nga publiku në momentin e largimit nga fusha dhe renditet në vendin e 17-të në klasifikimin e La Liga Hypermotion, pranë zonës së rënies nga kategoria. Për më tepër, Morata do të humbasë ndeshjen e ardhshme kundër Mallorca-s, e cila po lufton për t’u rikthyer në La Liga, duke zemëruar edhe më shumë tifozët e tij. Mbetet për t’u parë se cili do të jetë vendimi i Komisionit Disiplinor për kartonin e kuq të marrë nga Morata, pasi ai rrezikon të pezullohet për më shumë se një ndeshje, në varësi të asaj që u ka thënë arbitrave dhe asaj që gjyqtari ka shënuar në raportin e tij.
