Beteja e pambarimtë publike dhe ligjore midis Mauro Icardit, sulmuesit të Galatasaray dhe ish-gruas së tij, prezantueses televizive Wanda Nara nuk tregon se ka shenja të ndalet. Javët e fundit kanë rrjedhur në media biseda intime të tyre, postime provokuese në rrjetet sociale dhe akuza për tradhti të supozuara duke rikthyer në qendër të vëmendjes ndarjen e tyre.
Kujdestaria e vajzave të çiftit, Francesca dhe Isabella, mbetet çështja kryesore e divorcit të tyre. Një audio e publikuar zbulon një telefonatë ku Wanda Nara lutej të fliste me fëmijët e saj, por Mauro Icardi refuzonte. Nara e akuzoi Icardin se po fut frikë fëmijëve të tyre.
“Françeska, a dëshiron të flasësh me mamin?" – dëgjohet të thotë Icardi. 9-vjeçarja u përgjigj pozitivisht, por Icardi pretendoi se vajzat ishin të zëna dhe nuk preferonin të flisnin me nënën e tyre.
Nara pretendoi se fëmijët po keqtrajtohen. "Dëgjo fëmijët" - i thotë ajo Icardit, duke e nxitur atë që t'i jepte përparësi mirëqenies së vajzave të tyre. Icardi thotë se ai kishte marrë përgjegjësitë e shtëpisë pas largimit të dados.
Mauro Icardi e akuzoi Wanda Narën për tradhti duke u fokusuar në një lidhje të dyshuar të saj me futbollistin senegalez Keita Baldé. Në disa pamje të publikuara të marra nga kamerat e sigurisë thuhet se tregojnë Balde duke vizituar shtëpinë e tyre në Paris teksa Icardi ishte larg.
Në shkëmbimet e mesazheve të 29 korrikut 2022, Icardi kërkon llogari: "Çfarë bëre në banjë, Wanda?" pyet ai vazhdimisht. Në një mesazh tjetër, ai shpreh mosbesim, duke thënë: “Në shtëpinë time… nuk mund ta besoj këtë. Pse?”
Icardi e krahason këtë situatë me historinë që ai pati me aktoren Eugenia ‘La China’ Suarez, duke u shprehur: “Unë të tregova gjithçka. Tani bëj të njëjtën gjë”. Pavarësisht mohimeve të Narës, ai vazhdon të ushtrojë presion ndaj saj për më shumë detaje, duke i thënë: “Mos gënje. Më trego gjithçka.” Këto mesazhe, pjesë e betejës ligjore, po shqyrtohen gjatë procesit të divorcit dhe po përdoren si provë e tradhtisë së Narës.
Wanda shpërndau një mesazh të detajuar duke i shprehur Icardit shqetësimet për sjelljen e tij. “Nuk jam e lumtur dhe nuk kam qenë për një kohë të gjatë. Mënyra tënde e të qenit më bën të frikësohem dhe nuk mund të vazhdoj kështu.” Në të njëjtin mesazh, ajo shton: “U largova sepse kisha frikë. Unë dua kohë për të kuptuar se çfarë ndjejmë ne të dy.”
Nara e përshkroi si kontrolluese dhe agresive sjelljen e tij. “Ti më kërcënove dje, duke më thënë se do të më grisësh qafën. Nuk mund të jetoj më kështu. Kam frikë”, - ka shkruar ajo në një nga mesazhet e dorëzuara si provë.
Ajo gjithashtu akuzoi Icardin për përshkallëzimin e mosmarrëveshjeve të tyre deri në pikën ku ajo ndihej e pasigurt. “Veprimet tënde janë obsesive, posesive dhe të dhunshme”, thotë ajo, duke theksuar se donte t'i jepte përparësi mirëqenies së fëmijëve të saj dhe të kërkonte paqen për veten e saj.
Avokatët e saj i kanë përfshirë këto pretendime në dosjet e paraqitura pranë autoriteteve argjentinase, duke pretenduar se veprimet e Icardit përbëjnë detyrim dhe dhunë me bazë gjinore.
Lidhja e Icardit me aktoren Eugenia “La China” Suarez vazhdon gjithashtu të tërheqë vëmendje. Postimet e saj të fundit në rrjetet sociale, duke e treguar atë në atë që duket të jetë divani i Icardit, kanë nxitur spekulime për marrëdhënien e tyre. Fansat identifikuan shpejt ngjashmëritë midis postimeve të saj dhe shtëpisë së Icardit, duke shkaktuar komente të shumta.
Pavarësisht provave në rritje, as Suarez dhe as Icardi nuk e kanë konfirmuar lidhjen e tyre.
Kontrolli mbi financat është bërë një tjetër çështje. Icardi ndërpreu aksesin financiar të Narës, për të cilën ajo pretendon se e la atë dhe fëmijët e tyre pa të ardhura. Këto incidente janë përmendur nga avokatët e Narës si shembuj të sjelljes së tij kontrolluese.
Së fundmi janë publikuar edhe disa biseda ku Icardi i lutet Wandës të pajtohen. “Këto janë biseda të bëra në Instagram dhe nga sa kuptojmë, ato janë nga koha kur Wanda kishte bllokuar Icardin në WhatsApp. Është një përzierje dashurie dhe urrejtjeje që Icardi tregon ndaj Wandës gjatë gjithë kohës”, - thotë panelisti Santiago Sposato.
“Të lutem. Nëse mund t'i bësh gjërat siç duhet për një herë. E di që unë do të jap gjithçka. Eja në Turqi, le të fillojmë një jetë të lumtur me fëmijët. Le ta lëmë kaosin pas, të lutem”, - shkruan Icardi supozohet në gusht të këtij viti.
Nuk mungojnë edhe mesazhet erotike ku ai i kërkon që të bëjnë sërish dashuri. "A mund të na japësh një shans? Dua ta bëjmë... Të ta mbush hamburgerin me qumësht..."
Procedurat e divorcit planifikohet të vazhdojnë në Itali në fillim të vitit 2025. Për momentin Icardi mbetet i fokusuar në marrëveshjet e kujdestarisë së fëminëve ndërsa Nara ka prioritet karrierën e saj dhe lidhjen e saj të re. ©LAPSI.al
