Federata e Futbollit të Australisë ka sanksionuar Melbourne Victory me ndalimin e shitjes së biletave për ndeshjet në shtëpi deri më 15 janar. Përveç kësaj, për të njëjtën periudhë kohore, tifozët e tyre nuk do të mund të ndjekin ndeshjet jashtë të skuadrës australiane. Vendimi erdhi pas pushtimit të dhunshëm të fushës që ndodhi më 17 dhjetor, gjatë derbit të A-League kundër Melbourne City.
Me atë rast, 150 spektatorë pushtuan fushën e AAMI Park, duke e detyruar arbitrin të ndërpresë ndeshjen. Portieri i City, Tom Glover, pësoi një tronditje cerebrale dhe plagë në fytyrë pasi u godit nga një kovë metalike e mbajtur nga një pushtues. Tifozët e Melbourne Victory gjithashtu plagosën arbitrin Alex King, një kameraman televiziv dhe dy roje sigurie.
Dënimet e vendosura nga Football Australia janë të përkohshme. Në këtë pikë, nuk mund të përjashtohet që ato të bëhen edhe më të rënda deri më 15 janar. Për momentin për tifozët e Victory do të thotë: asnjë ndeshje brenda e jashtë fushe. Transfertat e tyre janë kundër Western United (26/12), Mariners (31/12) dhe Adelaide United (14/1). Ndërsa ndeshja në shtëpi kundër Brisbane Roars do të zhvillohet me dyer të mbyllura.
Lexo më tej: Video/ I rrëmbyen shaminë e fatit, plas sherr në Senegal: grushta, pushtim fushe e tifozë pa ndjenja
