Jo vetëm Deschamps, edhe Lloris e Griezmann nuk e donin Benzema në kombëtare: një video i ‘gozhdon’

Botërori i Katarit 2022 sapo ka përfunduar dhe Argjentina e Lionel Messit triumfoi në finale kundër Francës. Në kombëtaren franceze, megjithatë, mungoi Karim Benzema. Topi i Artë nuk ishte pjesa e vetme që mungonte në skuadrën e Deschamps. Tekniku ishte gjithashtu i detyruar të hiqte dorë nga Pogba dhe Kantè për shkak të dëmtimit. Sulmuesi i Real Madrid u largua nga Azia para ndeshjes së parë për shkak të një problemi muskulor dhe nuk u kthye më. Në realitet mund ta bënte, por e vërteta gjendet në mosmarrëveshjet me Deschamps dhe me dy shokë të tjerë të kombëtares: Lloris e Griezmann. Megjithatë, mungesa e Benzema bëri shumë zhurmë. Fillimisht dëmtimi që dukej se e detyroi të hiqte dorë nga Kupa e Botës, më pas lajmet për një rikuperim të mundshëm për fazën eliminatore. Kjo u pasua nga deklaratat e Didier Deschamps i cili kurrë nuk e konsideroi realisht mundësinë e kthimit të tij. Sipas asaj që deklaroi gazetari francez Romain Molina, ka edhe dicka tjetër. Marrëdhënia e vështirë me trajnerin nuk ishte faktori i vetëm i ndarjes mes Benzema dhe kombëtares franceze.

VIDEO FAKTUESE SE BENZEMA ISHTE I PADËSHIRUAR

Në fakt, jo të gjithë brenda grupit e kishin vlerësuar rikthimin e Karim në kombëtare (pas 6 vitesh mungesë) në funksion të Euro 2020. Në veçanti, Hugo Lloris dhe Antoine Griezmann kanë patur pakënaqësi për rikthimin e tij në skuadër. E gjithë kjo konfirmohet nga një video, në lidhje me një darkë ekipore më shumë se një vit më pare. Pikërisht kur Deschamps mirëpret përsëri sulmuesin. Imazhet tregojnë të dy lojtarët, me shprehje gjithsesi entuziaste, duke duartrokitur në mënyrë të shkëputur, pa qejf. Situata, sipas Molinës, do t'i atribuohej faktit se Lloris dhe Griezmann kishin frikë se figura e Benzemas mund të kufizonte lidershipin e tyre në dhomat e zhveshjes.

« Oui. Lloris & Griezmann n’ont jamais accepté le retour de Benzema. Faut arrêter d’opposer Benzema et Giroud »

Romain Molina ne nous apprend rien

Regardez juste le visage des 2 protagonistes & leur attitude sur cette vidéo qd Deschamps parle de Karim

Oui je suis profiler? pic.twitter.com/YmKsEDeo94

— NC (@NC_H_) December 19, 2022

Përtej fjalëve të gazetarit francez dhe hipotezave të ndryshme për atë që ndodhi, lamtumira mes Benzemës dhe Francës është bërë realitet. Edhe pse orët e fundit ka dalë hipoteza e një rikthimi, në rast se Zidane merr vendin e Deschmps. Asgjë e bujshme nëse mendon se futbolli është i mbushur me lamtumira dhe ndarje të zhurmshme. Megjithatë, kur një zotëri që shënoi 37 gola në 97 paraqitje për Francën dhe 329 gola në 617 ndeshje për Real Madrid largohet nga kombëtarja, diçka me siguri nuk ka shkuar mirë vërtetë.