Portugalia vazhdon të ëndërrojë José Mourinho, për pankinën e kombëtares. Pas zhgënjimit të eliminimit në çerekfinale të Botërorit 2022 dhe lamtumirës së Fernando Santos, Federata luzitane kërkon një emër të madh. Special One mbetet në krye të listës së dëshirave të portrugezëve. Sipas A Bola, është planifikuar një takim mes presidentit federal, Fernando Gomes dhe trajnerit të Romës. Mourinho do të qëndrojë në atdhe për festën e Krishtlindjes edhe pas përfundimit të kampit stërvitor të verdhekuqve në Albufeira, që u mbyll sot.
Mou duhet të kthehet në kryeqytet më 26 dhjetor. Përpara kësaj date tekniku do të takohet me drejtuesit federalë për të vlerësuar së bashku mundësitë e punësimit të tij si trajner.
Lexo më tej: Mourinho i thotë ‘jo’ Portugalisë: e ardhmja në verë, por vetëm me dëmshpërblim
Gjithsesi, pista mbetet e vështirë për t’u ndjekur. Kjo, sepse trajneri ka kontratë me Romën deri në qershor të vitit 2024. Klubi nuk duket i gatshëm ta “ndajë” teknikun e tyre me kombëtaren. Edhe pse në letër është e mundur të menaxhohet detyra e dyfishtë. Federata portugeze, pas shkarkimit të Santos, kishte zgjedhur pikërisht këtë mënyrë, për të bindur Mourinho të marrë drejtimin e kombëtares. Mourinho, te Roma, përfiton rreth 8 milionë euro neto. Sidoqoftë, Friedkins nuk do ta linte trajnerin e tij të largohej pa marrë një dëmshpërblim nga Portugalia.
SONDAZHI A BOLA, MBI 40% DUAN MOU NË PANKINË
Tifozët portugez nuk kanë asnjë dyshim pë njeriun që duan t'i drejtojë në Euro 2024. Ata kërkojnë José Mourinho si trajnerin e ardhshëm të Portugalisë. Ky është rezultati që del nga një sondazh i gazetës lokale A Bola, pikërisht për këtë çështje. Special One mposhti të gjithë konkurrencën, duke mbledhur 40.3% të votave. Në vendin e dytë, shumë prapa, Rui Jorge (11.6%). Ai ka lënë pas Leonardo Jardim dhe Abel Ferreira.
