Pas dështimeve të njëpasnjëshme të armëpushimeve në Ukrainë, vendi është futur në ditën e 12-të të luftimeve. Në mëngjesin e të hënës, perëndimi i Kievit është goditur nga luftime të ashpra ajrore ruse. Bombat ruse nuk kanë kursyer as qytetet e Kharkiv, Mariupol dhe Sumy.
Teksa sulmonin qytetin e Gostomelit, një qytet afër kryeqytetit ukrainas Kiev, rusët kanë vrarë kryebashkiakun Yuri Illich Prylypk. Kryetar i bashkisë vdiq ndërsa shpërndante ushqime dhe ilaçe për të sëmurët. Gostomel, në veriperëndim të Kievit, është vendi ku ndodhet aeroporti ushtarak strategjik Antonov, ku u zhvilluan beteja të ashpra midis forcave ukrainase dhe ruse në ditët e para të luftës.
Këtë të hënë pritet dhe raundi i tretë i bisedimeve mes dy palëve, ndërsa nuk është dhënë asnjë detaj deri më tani.
