Qytetarëve francezë po u rikthehen nga sot disa nga liritë e tyre, pasi përdorimi i maskave jashtë dhe puna në distancë nuk janë më të detyrueshme.
Franca është vendi i tretë në Evropë që zbut masat kufizuese kundër koronavirusit, pavarësisht se numri i pacientëve të trajtuar me Covid-19 vazhdon të rritet.
Hapi tjetër i qeverisë franceze është rihapja e klubeve të natës dhe lejimi i koncerteve, të cilat pritet të zhvillohen më 16 shkurt.
Ministria e Shëndetësisë në vend njoftoi për 382 vdekje brenda 24 orëve dhe 33 mijë shtrime në spital të pacientëve me Covid.
Të martën e kaluar, Danimarka u bë vendi i parë në Evropë që hoqi të gjitha kufizimet e vendosura për të frenuar pandeminë COVID-19, duke përmendur mbulimin e lartë të vaksinimit të popullsisë së saj dhe ashpërsinë më të ulët të llojit Omicron.
Vendi nordik u ka dhënë fund maskave, certifikatave shëndetësore dhe kufizimeve në funksionimin e bareve dhe restoranteve.
Dy ditë më vonë, ishte radha e Anglisë për të hequr shumicën e kufizimeve që ishin ende në fuqi dhe tashmë ishin më të buta se mesatarja evropiane.
