Besimtarët myslimanë në të gjithë vendin kanë falur namazin e Kurban Bajramit mëngjesin e kësaj të marte. Falja filloi në orën 6.20 në sheshin Skënderbej, ku ishin të pranishëm mijëra besimtarë si dhe të gjitha autoritetet më të larta të fesë myslimane. Edhe në Korçë, pranë xhamisë më të madhe të qytetit “Iljaz Bej Mirahori” është kryer falja në shesh. Më pas besimtarët janë shpërndarë nëpër shtëpitë e tyre për kryerjen e ritit të kurbanit, si shenjë e sakrificës kundrejt Zotit.
Festa, sipas traditës islame, nderon gatishmërinë e Ibrahimit të flijoj djalin e tij si vepër e nënshtrimit ndaj urdhrit të Zotit, para se Zoti të ndërhynte, përmes engjëllit të tij Xhebrailit dhe të njoftoj Ibrahimin se flijimi i tij është pranuar tashmë.
