Ambasadorja e SHBA-së Yuri Kim ka shkuar këtë të enjte për vizitë në SPAK. Ajo ka zhvilluar një takim me kreun e këtij institucioni Arben Krajën dhe kreun e Byrosë Kombëtare të Hetimit, Aida Hajnajn.
Gjithashtu ajo u takua dhe me hetuesit e rinj e BKH-së ku përmes një postimi në Twitter, Kim shkruan se ata janë duke përfunduar trajnimin e tyre.
Kim thotë se puna e tyre është e rëndësishme dhe e vështirë.
“Sot takova hetuesit e parë të BKH të cilët janë duke përfunduar trajnimin. Puna e tyre është e rëndësishme dhe e vështirë, por do ja dalin me sukses. Ka shumë njerëz që mbështeten tek ta, familjet e tyre krenohen me fëmijët, SHBA do i mbështesë fuqimisht në luftën kundër korrupsionit dhe krimit të organizuar” – shkruan Kim në Twitter.
[video width="640" height="352" mp4="https://cdnimpuls.com/lapsi.al/wp-content/uploads/2021/07/kim-ne-spak.mp4"][/video]
