Ministrja e Drejtësisë, Etilda Gjonaj ka reaguar pas videove të publikuara në tik-tok të gjyqtares e Elbasanit, Enkeleda Kapedani, shfaqet duke pozuar në ambientet brenda të institucionit. Ministrja Gjoni ka thënë se pamjet ishin të pakomentushme ndërsa shtoi se qysh prej dhjetorit 2019, i ka kërkuar me shkrim KLGJ-së verifikimin dhe marrje mase për Kapedanin pas lirimit të një subjekti kriminal.
"Tani uroj që jo vetëm të merret masa e duhur, por edhe të hetohet në mënyrë të thelluar gjendja pasurore e kësaj gjyqtareje. Tipike për një pjesë të atyre që nuk kanë kaluar ende Vetingun dhe vijojnë të gërryejnë drejtësinë nga brenda!", tha Ministrja.
Lexo më tej : Kryegjyqtarja e Elbasanit kërkon ndjesë: S’jam krenare për videot e publikuara, sulm për të më prishur imazhin
Ndërkohë Inspektori i Lartë i Drejtësisë, Artur Metani, ka urdhëruar nisjen e hetimit disiplinor ndaj kryetares së Gjykatës së Elbasanit, pas disa videove të postuara në rrjetin social “TikTok”.
