Vullkani italian Stromboli ka shpërthyer duke shkaktuar tym të zi. Mediat vendase kanë publikuar pamje nga momenti i shpërthimit ku duket tymi i shkaktuar nga krateri i vullkanit dhe lava shkaktoi rrëshqitje të dheut.
Vullkani është nën kontrollin e vazhdueshëm të ekspertëve, vullkanologëve dhe mbrojtjes civile, të cilët njoftuan mundësinë e një shpërthimi të ri disa ditë më parë. Ndërkohë shumë turistë që ndodheshin në ishull ishin të interesuar për të parë pamjet e ofruara nga fenomeni.
Vullkani Stromboli ndodhet në ishullin me të njëjtin emër në Detin Tirren dhe është pjesë e arkipelagut të të ashtuquajturve ishuj të Egolit pranë Sicilisë.
Stromboli është një nga vullkanet më aktive në botë, skajet e kraterit të tij janë në një lartësi prej 900 metrash dhe thellësia e kraterit është midis 1.300 dhe 2.400 metra nën sipërfaqen e detit.
https://twitter.com/Maria92901849/status/1395013829680054275
https://www.youtube.com/watch?v=BOnUH322yaw
