Presidenti i Republikës Ilir Meta thotë se ka një arsye që kryeministri Edi Rama e ka bazuar fushatën në sulme ndaj tij dhe ish-kryeministrit Sali Berisha dhe jo ndaj kreut të opozitës Lulzim Basha.
“Kryeministri Rama është i tmerruar nga personaliteti im dhe i zotit Berisha, por ngaqë i njoh dhe të gjithë politikanë e tjerë në këto 30 vite për shkak të eksperiencës.
Kuptohet që zoti Berisha është një nga personalitet më të politikën shqiptare dhe zoti Rama nuk mund të ndërtoj dot raporte partneriteti me të tjerët, qoftë me kundërshtarët apo ata që mund të ketë në koalicion. Partneriteti është i llojeve të ndryshme bazuar mbi disa parime, mbi disa norma. Ai ka gjithmonë marrëdhënie të tilla të cilat kanë të bëjnë thjeshtë me raportin me pushtetin.
Kur ai ka pushtet dhe mendon që të tjerët janë nën pushtetin e tij ka marrëdhënie të shtypjes të vendosjes së çizmes në qafën e vartësve.
Jo nuk e shqetëson sepse personalitet i zotit Basha është një personalitet i një politikani në Bashkimin Europian. Zoti Rama, si një politikan tipik i modelit lindor autoritar, i stilit bizantin, i cili përmbysur gjithë rregullat e lojës”- tha Meta në Syri TV ku komentoi edhe ndërprerjen e fluturimeve në aeroportin e Rinasit.
“Nuk ekziston çështja e aeroportit, është e sajuar. Une i kam bere te qarte se per shkak te pandemise, paga dhe trajnimi duhet ti pershtatet kesaj situate. Nuk jam dakort me lenien e detyres. Ka pasur mungese vullneti per nje zgjidhje sepse edhe me heret jane konstatuar probleme te menaxhimit te ketij institucioni, qe nuk kane marre pergjigje. Populli shqiptar nuk do te zëvendësohet me popuj të huaj, por do jetë zot në vendin e vetë dhe në tokën e tij, ky vend do ketë fëmijë dhe të ardhme” – tha Meta. ©LAPSI.al
