Policia ka dhënë detaje për vrasjen e Bardhok Planajt mbëmjen e së dielës në Shkodër.
Sipas uniformave blu rreth orës 21:10, në fshatin Dobraç i Ri, Njësia Administrative Rrethina, Shkodër, duke udhëtuar me automjet është vrarë me armë zjarri shtetasi Bardhik Planaj. rreth 46 vjeç banues në Shkoj i Ri.
“Shërbimet e Policisë kanë rrethuar zonën dhe kanë ngritur pika kontrolli. Në ndihmë të Policisë lokale kanë shkuar dhe grupe të FNSH Shkodër.
Veprimet po kryhen me grup hetimor nën drejtimin e Prokurorisë së Rrethit Gjyqësor Shkodër për zbardhjen e plotë të rrethanave të kësaj ngjarje, identifikimin dhe kapjen e autorëve” – thuhet në njoftim.
Mësohet se autorët kanë djegur makinën e tyre pak metra më tej larg vendit të ngjarjes.
