Lidhja Demokratike e Kosovës pritet të vendosë sot për mbështetjen ose jo të kandidaturës së Vjosa Osmanit për presidente. Deri më tani ka pasur qëndrime pozitive mes palëve për një dakordësi të mundshme. Gjatë ditës së sotme, kryetari i LDK-së Lumir Abdixhiku do të takohet me grupin parlamentare ku do t’u bëhet i ditur qëndrimi i kryesisë së partisë.
Lëvizja Vetëvendosje e konsideron çështje ditësh, zgjedhjen e Osmanit presidente të vendit, ndërsa refuzon në mënyrë të prerë një kompromis të mundshëm për një emër tjetër. Për zgjedhjen e presidentit të ri duhet një kourum prej 80 deputetësh të pranishëm në sallë. Në rast se nuk arrihet zgjedhja e presidentit vendi mund të shkojë sërish në zgjedhje.
