Arjan Sala ishte në krye të detyrës kur ra zjarr në magazinën e nëndheshme të qendrës tregtare, afro dy ditë më parë. Prej dy ditësh nuk ka ende asnjë të dhënë për gjendjen e punonjësit. Siç është bërë e ditur nga punonjësit e tjerë ka qenë i riu që arriti të shpëtonte disa persona kur ra zjarri në magazinën e qendrës tregtare, por vetë mbeti brenda.
Ndërkohë që policia ka sjellë një informacion zyrtar me pak të dhëna, mësohet se Prokuroria ka nisur një hetim për ngjarjen. Familjarët e punonjësit të sigurisë,Arjan Salaj në lot e dhimbje kërkojnë nga shteti të shpejtohet me kërkimet për gjetjen e tij, teksa pretendojne se zjarrfikëset nuk kanë mjetet e nevojshme për të neutralizuar zjarrin. Gjatë daljeve publike familjarët kanë bërë apel që në vendin e ngjarjes të shkojnë Forcat e ushtrisë me mjete më të specializuara.
Mësohet se Sala është i martuar dhe ka një fëmijë të vogël gjithashtu.
