Kryeministri Edi Rama mohoi gjithçka. Mohoi se të gjithë ata që u përplasën fizikisht në Ditën e Verës në Elbasan kishin lidhje me të. Në emisionin Opinion, Rama tha se sherrin e inicioi Basha me mbështetësit e tij.
“Nga del që këta po më shoqëronin mua? Ku del që këta po më shoqëronin mua. Nuk më shoqëronin mua. Gënjeshtër! Gënjeshtër! Nuk të lë të flasësh se kjo është gënjeshtër. Nuk ka filluar sherri kur unë kam, qenë në shesh. Unë nuk e kam marrë vesh që atje ka pasur sherr.
Unë nuk kam qenë i shoqëruar nga njeri. Unë jam pritur vetëm nga Evis Kushi dhe Taulant Balla. Kjo është një pasojë e cila vjen si rezultat i asaj atje. Këta janë njerëz që nuk më interesojnë fare. Nuk janë atje për mua. Unë nuk i njoh fare. Shkak është një mungesa e karakterit të Lulzim Bashës.
Sali Berisha është një udhëheqës me karakter të mbrapshtë, por e ka një karakter. Basha nuk e ka. Sali Berisha nuk ka shkuar asnjëherë me turma në Festën e Verës. Ky e bën këtë. Mbledh njerëzit atje. Kur unë kam ardhur ata ishin atje. Lulzim Basha ishte fshehur atje si skuth. Një lider me karakter nuk e lejon kurrë të ndodhë diçka e tillë” – tha Rama. ©LAPSI.al
