Pacientët me kancer duhet të kenë përparësi në planin e vaksinimit kundër koronavirusit të ri (COVID-19) pasi janë në grupin e rrezikut më të lartë, tha sot mjeku turk, dr. Yavuz Anacak.
“Fatalitetet për shkak të COVID-19 midis pacientëve me kancer janë më të larta se në të gjitha grupet e tjera. Pacientët me kancer, të cilët janë në grupin më të lartë të rrezikut për virusin, duhet të kenë përparësi në kalendarin e vaksinimit”, tha Anacak, kreu i Shoqatës Turke të Onkologjisë së Rrezatimit, në një deklaratë para Ditës Botërore të Kancerit.
Turqia filloi fushatën e vaksinimit masiv për COVID-19 më 14 janar, duke filluar me punonjës të kujdesit shëndetësor së bashku me zyrtarë të lartë për të inkurajuar besimin e publikut.
Që nga fillimi i dhjetorit, Turqia po ashtu ka zbatuar orë policore gjatë mbrëmjeve dhe fundjavat për të frenuar përhapjen e virusit.
