Kreu i Partisë Agrare Ambjentalise, Agron Duka deklaron se ka arritur një marrëveshje me kryetarin e Partisë Demokratike Lulzim Basha për mënyrën e garimit në zgjedhjet e 25 prillit. Kreu i Ambjentalistëve konfirmoi se ai do të jetë pjesë e listave të PD-së.
“Nuk është se e kam pasur të lehtë, ka qenë vendim shumë i vështirë. Ndoshta unë e shoh me subjektivizëm, apo anëtarët e PAA-së, kemi diskutuar nëse duhet ta pranojmë apo jo. Që të kemi vetëm një vend të sigurt në lista, sepse këto lista janë të mbyllura faktikisht”, - tha Duka në emisionin "Real Story" në News24.
“Ju e dini që ky kod u bë pikërisht kundër këtyre partive të vogla. Të më pyesësh mua absolutisht që do të kishim dëshirë që të kandidonim me siglën e PAA, por në këtë mënyrë pa komisionerë, pa numërues, me një numër kaq të madh votash për të nxjerrë një deputet është pothuajse e pamundur, ose shumë-shumë e vështirë. Prandaj ne morëm këtë vendim” – tha Duka. ©LAPSI.al
