Një sulm me armë zjarri ka ndodhur mbëmjen e së dielës në fshatin Llakatung të Vlorës. Mësohet se një person ka qëlluar me armë mbi një nga shtëpitë e fshatit. Nga të shtënat nuk ka persona të lënduar.
Policia ka vënë në pranga autorin e ngjarjes dhe bashkë me të ka shoqëruar në komisariat edhe kryefamiljarin që ishte objektivi i këtij sulmi. Të dy personat po merren në pyetje për të zbardhur shkaqet e sulmit me armë.
Raportohet se dy familjet kanë pasur konflikte të herëpashershme, për motive që ende nuk janë të qarta.
