Një 32-vjeçar nga Durrësi është arrestuar nga policia pasi akuzohet se ka shfrytëzuar pandeminë e Covid-19 duke hapur një llogari bankare në një bankë të nivelit të dytë për përfitimin e “Pagës së luftës”. Sipas policisë, ai ka arritur të kryejë 36 transaksione financiare në një vlerë 15.533.510 lekë të reja, në llogari të ndryshme të bankave të tjera të nivelit të dytë.
Pas transferimit të shumave të ndryshme, i riu kryente tërheqje nga bankat ku ishin transferuar këto fonde, nëpërmjet kartave bankare ose duke u paraqitur vetë në bankë. Ai rezulton i dënuar më parë për vepra të ndryshme penale.
