Ambasadori i Malit të Zi në Poloni, njëherësh ish-Ministër i Shëndetësisë, Budimir Shegrt, është arrestuar sot, ka bërë të ditur nënkryetari i qeverisë Dritan Abazoviç.
“Është arrestuar ish-Ministri i Shëndetësisë dhe ambasadori i Malit të Zi, Budimir Shegrt. Nuk ka të paprekshëm! Lufta kundër korrupsionit të profilit të lartë mbetet prioritet”, ka shkruar në Twitter, Abazoviç.
Ai ka theksuar se do të dëshmohet që shteti është më i fuqishëm sesa krimi i organizuar.
Gjykatësja Lidija Vukçeviq, i ka caktuar masën e arrestit për 72 orë pas akuzave për shpërdorim detyre. Gjatë hetimeve është konstatuar se nga shitblerja e spitalit në Meljine”, shteti është dëmtuar për të paktën 10 milionë euro.
