Kanë qenë të menjëhershme reagimet e SHBA dhe BE pas emërimit të Sonila Bejtes si anëtare e 7-të e Gjykatës Kushtetuese. Ambasadorja amerikane në Tiranë Juri Kim tha se tashmë duhet punuar që të plotësohen edhe vendet e tjera vakante.
“Faleminderit Presidentit Ilir Meta për dekretimin këtë mbrëmje të gjyqtarit të 7-të të Gjykatës Kushtetuese. Duke vepruar së bashku me urgjencë - në përgjigje të drejtpërdrejtë të opinionit të Komisionit të Venecias, kushteve të BE-së dhe kërkesave popullit shqiptar, Presidenca, Parlamenti & KED bënë funksionale Gjykatën Kushtetuese përpara datës 31 dhjetor.
Presidentit, parlamentit dhe KED u takon merita për arritjen e kuorumit me 1 më shumë, por nuk mund të ketë pushim derisa të plotësohen të 9 vendet. Puna duhet të vazhdojë edhe në vitin e ri. Ne i nxisim kandidatët e kualifikuar t'i përgjigjen thirrjes së detyrës në mënyrë që populli shqiptar të ketë drejtësi të vërtetë, siç i shkon përshtat vendit aleat të NATO-s dhe aspirant në BE” – shkroi Kim në Twitter.
Edhe ambasadori i Bashkimit Europian tha se ky vendim përforcon funksionalitetin e Gjykatës Kushtetuese.
"Sot presidenti Ilir Meta ka dekretuar Sonila Bejten si anëtaren e 7-të të Gjykatës Kushtetuese. Përgëzoj presidentin Ilir Meta. Ky vendim përforcon funksionalitetin e Gjykatës", - shkruan Soreca.
Ajo që diplomatët “harrojnë” është se vendet e fundit vakante u plotësuan duke shkelur ligjin pasi ai përcakton që çdo vend vakant duhet të ketë 3 kandidatë gjë që nuk ndodhi dhe në shumicën e rasteve ishin 1 kandidat i vetëm për 1 post pa mundesi zgjedhje për Presidentin apo Parlamentin. ©LAPSI.al
LEXO EDHE:
Analiza/Yuri Kim shpall “lajm të madh” provën e dështimit të reformës në drejtësi
Emrat e gjykatësve/ Kush i kontrollon balancat në Gjykatën Kushtetuese
