Shifrat e infektimeve me koronavirus në Maqedoninë e Veriut vijojnë të mbeten të larta. Në 24 orët e fundit u konfirmuan mbi 1 mijë të infektuar ndërsa shqetësues mbetet bilanci i viktimave. Të premten u raportua për 26 viktima, në mesin e tyre edhe një 30-vjecare, për të cilën autoritetet e shëndetësisë thanë se ka pasur sëmundje shoqëruese.
Listës së punonjësve shëndetësorë që kanë humbur betejën me Covid-19 i është shtuar edhe një mjek 41-vjecar nga Tetova. Ndërkohë autoritetet e shëndetësisë në Maqedoninë e Veriut njoftuan se në Repartin Infektiv në Shkup dhe në spitalet e vendit aktualisht trajtohen 1301 pacientë
