Presidenti Ilir Meta ka kthyer për rishqyrtim në Kuvend projektligjin për buxhetin e vitit 2021.
Sipas Presidentit, është një draft jo realist dhe që nuk mbështet parashikimet e rritjes ekonomike.
Thelbi i kundërshtimit të Ilir Metës për buxhetin është se ky draft nuk parashikon fondet e nevojshme për të përballuar krizën e pandemisë. Gjithashtu, ky buxhet nuk mbështet bizneset apo individët që kanë humbur vendet e punës për shkak të Covid-19.
Meta gjithashtu kapet me faktin se sipas tij, qeveria nuk ka një plan të qartë për të ulur nivelin e borxhit publik. Sipas Presidentit, buxheti në këtë formë paraqet një rrezik të madh për ekonominë e vendit.
Ndër të tjera, Meta shigjeton buxhetin duke thënë se Partneriteti Publik Privat dhe Korporata e Investimeve sjellin rreziqe fiskale për ekonominë e vendit. ©Lapsi.al
